Dukej si një ftohje dhe më pas filloi luftën për jetën: Si u detyruan mjekët t’ia amputonin këmbët dhe krahët mësueses …

Mësuesja nga Texasi, Sherry Moody së pari u ndje e plogësht gjatë një ekskursioni me shkollën. Kishte dhimbje të fytit, kështu që supozoi se ishte ftohur.

Megjithatë, me kalimin e kohës, ajo ndihej më e lodhur, kishte temperaturë të lartë, vështirësi në frymëmarrje dhe herë pas here villte.

Kur në një mbrëmje po luftonte për të marrë frymë, ajo vendosi të shkonte te mjeku me burrin e saj David, raporton LadBible.

Mësuesja 51-vjeçare u zbulua se kishte pneumoni të dyfishtë. Filluan një sërë gjërash të këqija që çuan në sepsë, ose dështim të organeve.

Gruaja fatkeqe u fut në koma klinike ndërsa mjekët u përpoqën në mënyra të ndryshme ta shpëtonin.

“E kuptova shpejt seriozitetin e situatës. Shikova këmbët dhe krahët e gruas sime që po vdiste. Ata ishin të zinj, të mumifikuar”, tha David.

Ekspertët nuk ishin të sigurt se si erdhi infeksioni, por dyshohej se një mjekim i mëhershëm kishte kontribuar në përkeqësimin e situatës.

Sherry po merrte pilula për një sëmundje autoimune – artritin reumatoid, i cili mund të ketë “shtypur” sistemin imunitar dhe e ka bërë atë më të ndjeshme ndaj infeksionit.

Disa javë pasi u shtrua, mjekët ia amputuan këmbët poshtë gjunjëve dhe krahët poshtë bërrylave.

Gruaja kaloi katër muaj në spital, dhe më pas një muaj në rehabilitim, ku mësoi si të përshtatej me situatën e re.

Ajo ka vendosur të luftojë në jetë dhe tregon se është e fortë mendërisht.

“Unë zgjedh të jem e lumtur. Nuk do të thotë që nuk e kam të vështirë herë pas here, por nuk e lejoj të zgjasë shumë”, tha ajo.

Burri i saj David shton se “ajo është thjesht e mrekullueshme. Kjo është gjëja më e vështirë që kam kaluar në jetën time”.

Leave a Comment